ГалоўнаяМедыя-цэнтрНавіныВыдатна працуем і актыўна адпачываем!

Выдатна працуем і актыўна адпачываем!

31.08.2022
Выдатна працуем і актыўна адпачываем! У апошнія выходныя дні адыходзячага лета каманда ААТ «АЛЕВКУРП» прыняла ўдзел у 9-м турыстычным злёце «Адзінства» сярод работнікаў арганізацый, якія ўваходзяць у сістэму Дзяржаўнага ваенна-прамысловага камітэта Рэспублікі Беларусь. Турыстычны злёт па традыцыі прайшоў у прыгожым месцы на беразе Асіповіцкага вадасховішча.

У мэтах павышэння спартыўнага і тэхнічнага майстэрства, выяўлення наймацнейшых каманд на турыстычнай базе «Бярозка» сабралася 17 каманд, якія на працягу трох дзён спаборнічалі як у традыцыйных ўжо спаборніцтвах (валейбол, бадмінтон, тэхніка пешаходнага, воднага і веласіпеднага турызму, дартс, рыбная лоўля), так і ў навінках гэтага года – лазертаг і аэрахаккей.

Па выніках 12 спартыўных дысцыплін яркая і дружная каманда ААТ «АЛЕВКУРП» паднялася ў агульным заліку на 12-е месца – на пяць пазіцый вышэй у параўнанні з мінулым годам, што было неаднаразова адзначана арганізатарамі турыстычнага злёту. У гэтым годзе наша каманда ўпершыню заняла два прызавых месцы. «Срэбра» у спаборніцтвах па аэрохакею заваявалі Аляксандра Булава і Ягор Кузняцоў. У спаборніцтвах па рыбнай лоўлі таварышаў па камандзе падтрымалі Дзмітрый Ануфрэня і Анастасія Мальцава. Значна палепшыліся вынікі ў такіх дысцыплінах як дартс і стральба з пнеўматычнай вінтоўкі.

Акрамя спартыўных поспехаў у «Адзінстве» важлівыя атмасфера карпаратыўнага духу і падтрымкі, спартыўнага суперніцтва і рашучасці, якія дазваляюць не толькі выяўляць пераможцаў на спартыўных пляцоўках, але і вырашаць важныя задачы ў рабочай абстаноўцы.

Нягледзячы на насычаную праграму турыстычнага злёту, у каманды заставаўся час і на адпачынак, песні пад гітару ля вогнішча, танцы на дыскатэцы.

Турзлёт – гэта выдатнае карпаратыўнае свята, якое аб'ядноўвае калектыў, а дні, праведзеныя разам, запамінаюцца на ўсё жыццё, зараджаюць пазітывам, станоўчай энергіяй і дабром! Яго рамантыку немагчыма да канца перадаць словамі, а атрыманае задавальненне стымулюе і надалей весці актыўны і здаровы лад жыцця.

Зварот да спісу

20 гадоу

На сайте используются Cookies!

Мы используем файлы cookie, чтобы наш сайт был удобным для Вас. Нажав "Принять", Вы даёте согласие на обработку файлов cookie в соответствии с Политикой обработки персональных данных.