30.12.2023
Прэзідэнт Беларусі Аляксандр Лукашэнка павіншаваў кіраўнікоў, работнікаў і ветэранаў арганізацый, якія ўваходзяць у сістэму Дзяржаўнага ваенна-прамысловага камітэта, з 20-годдзем з дня ўтварэння ДВПК."Здабыўшы ў пачатку 90-х гадоў мінулага стагоддзя незалежнасць, у Беларусі пачалі ствараць новую самастойную галіну эканомікі - зброевую, закліканую забяспечыць бяспеку і абараназдольнасць маладой суверэннай дзяржавы", - гаворыцца ў віншаванні.
Аб'ектыўна неабходным крокам у тых умовах стала рашэнне аб фарміраванні Дзяржкамваенпрама, які ў якасці органа дзяржаўнага кіравання ў цесным узаемадзеянні з іншымі сілавымі ведамствамі павінен развіваць айчынны ВПК, удасканальваць існуючыя і ствараць новыя ўзоры ўзбраення, ваеннай і спецыяльнай тэхнікі, адзначыў Прэзідэнт.
За два дзесяцігоддзі беларускімі збройнікамі пройдзены нялёгкі шлях ад простай мадэрнізацыі савецкіх узораў узбраення да стварэння новых айчынных, якія адпавядаюць самым высокім сучасным патрабаванням, якія цяпер добра вядомы і запатрабаваны ў многіх рэгіёнах свету, канстатаваў беларускі лідар.
"Перакананы, што работнікі галіны, разумеючы важнасць сваёй працы для захавання міру на беларускай зямлі, і ў далейшым у рамках уласных кампетэнцый зробяць усё магчымае, каб нашы Узброеныя Сілы маглі не толькі стрымліваць, а калі спатрэбіцца - уціхамірыць любога агрэсара", - падкрэсліў Кіраўнік дзяржавы.
Аляксандр Лукашэнка пажадаў кіраўнікам, работнікам і ветэранам арганізацый Дзяржкамваенпрама міру, здароўя і дабрабыту, а зброевай галіне - новых поспехаў у высакароднай і адказнай справе ўмацавання нацыянальнай бяспекі Беларусі. https://president.gov.by/be/events/vinshavanne-kiraunikam-rabotnikam-i-veteranam-arganizacyy-dzyarzhkamvaenprama
