ГалоўнаяМедыя-цэнтрНавіныНавука – наша будучыня ... і сучаснасць!

Навука – наша будучыня ... і сучаснасць!

27.01.2023
Навука – наша будучыня ... і сучаснасць! Кіраўніцтва ААТ «АЛЕВКУРП» павіншавала супрацоўнікаў з Днём беларускай навукі. Гэтае свята, нагадаем, адзначаецца ў нашай краіне ў апошнюю нядзелю студзеня.

У ходзе ўрачыстай цырымоніі ў адрас калектыву прадпрыемства прагучалі цёплыя віншаванні і пажаданні ад дырэктара ААТ «АЛЕВКУРП» Уладзіслава Новака і яго намеснікаў. Асобнай увагі былі ўдастоены супрацоўнікі, якія маюць вучоныя ступені.

А віктарына «Ці ведаеце Вы?» не толькі дала магчымасць кожнаму жадаючаму праверыць узровень сваёй эрудыраванасці, але і падняла настрой прысутным.

Калектыў ААТ «АЛЕВКУРП» па праве лічыць Дзень беларускай навукі сваім прафесійным святам. Бо менавіта навуковыя даследаванні і распрацоўкі ляжаць у аснове дзейнасці Таварыства.

На прадпрыемстве працуюць высокакваліфікаваныя навуковыя і інжынерныя кадры, якія забяспечваюць стварэнне высокатэхналагічнай і навукаёмістай прадукцыі. Навуковы патэнцыял Таварыства паспяхова рэалізуецца пры стварэнні радыёлакацыйных і аптычных электронных сістэм, прылад ЗВЧ, сістэм аўтаматычнага кіравання.

За апошнія гады калектывам ААТ «АЛЕВКУРП» выканана больш за дзесяць навукова-даследчых і доследна-канструктарскіх работ, а колькасць атрыманых патэнтаў на карысныя мадэлі і вынаходкі набліжаецца да 30.
Прадпрыемства абсталяванае сучасным ЗВЧ-абсталяваннем, кантрольна-вымяральнай апаратурай і стэндамі ўласнай вытворчасці, якія дазваляюць распрацоўваць і дэталёва даследаваць шырокі спектр радыётэхнічных сістэм і іх складовых элементаў.

Таварыства пастаянна пацвярджае статус навуковай арганізацыі. Так, у жніўні 2022 года, ААТ «АЛЕВКУРП» у чарговы раз атрымала адпаведнае пасведчанне аб акрэдытацыі ў Дзяржаўным камітэце па навуцы і тэхналогіях і Нацыянальнай акадэміі навук Беларусі на аснове ацэнкі вынікаў навуковай, навукова-тэхнічнай і інавацыйнай дзейнасці.

Зварот да спісу

20 гадоу

На сайте используются Cookies!

Мы используем файлы cookie, чтобы наш сайт был удобным для Вас. Нажав "Принять", Вы даёте согласие на обработку файлов cookie в соответствии с Политикой обработки персональных данных.