Запросить каталог12.04.2024
Калектыў ААТ «АЛЕВКУРП» прыняў удзел у рэспубліканскай добраахвотнай акцыі «Аднавiм лясы разам!». Актыўны ўдзел работнікаў Таварыства ў лесааднаўленні стаў добрай традыцыяй. У гэтым годзе прадстаўнікі ААТ «АЛЕВКУРП» высадзілі сотні маладых іглічных саджанцаў на тэрыторыі Чэрвеньскага лясгаса. Кіраўніцтва Валмянскага лясніцтва забяспечыла гасцей пасадачным матэрыялам, неабходным інвентаром і, вядома ж, каштоўнымі парадамі.
Рэспубліканская добраахвотная акцыя «Аднавiм лясы разам!» праходзіць у Беларусі з 23 сакавіка па 20 красавіка. Яе арганізатарам выступае Міністэрства лясной гаспадаркі Рэспублікі Беларусь. Кампанія прымеркавана да Года якасці і ахоплівае ўсе рэгіёны краіны.
