Запросить каталог05.01.2024
Калектыў ААТ «АЛЕВКУРП» працягвае ўдзел у дабрачыннай акцыі «Нашы дзеці». Услед за сацыяльным дзіцячым прытулкам Мінскай вобласці супрацоўнікі прадпрыемства наведалі сталічны Сацыяльна-педагагічны цэнтр з прытулкам Першамайскага раёна. У рамках аказання спонсарскай дапамогі ўстанове былі перададзены цацкі, гаспадарчыя тавары і іншыя прадметы першай неабходнасці.
Не менш патрэбна выхаванцам цэнтра і маральная падтрымка. Работнікі Таварыства павіншавалі хлопчыкаў і дзяўчынак з навагоднімі святамі, уручылі салодкія падарункі. Дзіцячыя ўсмешкі – лепшая ўзнагарода за наш невялікі ўклад у стварэнне святочнага настрою для дзяцей. Спадзяемся, што ў дзетак наперадзе будзе вельмі шмат падстаў для ўсмешак!
