26.08.2024
У мінулыя выхадныя каманда ААТ «АЛЕВКУРП» прыняла ўдзел у турыстычным злёце «Адзінства» сярод работнікаў арганізацый, якія ўваходзяць у сістэму Дзяржкамваенпрама.Турслет праходзіў ужо адзінаццаты раз. На базе адпачынку «Бярозка» сабраліся 17 каманд, каб выявіць наймацнейшага, а заадно пазнаёміцца, пагутарыць у нефармальнай абстаноўцы і проста добра правесці час.
У праграме спаборніцтваў – стральба, аэрахакей, валейбол, лазертаг, тэхніка пешаходнага, воднага і веласіпеднага турызму і іншыя дысцыпліны. Спаборны складнік турзлёту быў насычаным і разнастайным, што забяспечыла высокі напал барацьбы і масу яркіх эмоцый усім прысутным.
Выдатна праявіла сябе і каманда ААТ «АЛЕВКУРП». Нашы спартсмены двойчы паднімаліся на п'едэстал гонару. У спаборніцтвах па стральбе сярэбранымі прызёрамі турслета сталі Сяргей Ганчароў і Мар'яна Таберка. А Ягор Кузняцоў і Кацярына Мультан занялі трэцяе месца ў турніры па аэрахакеі!
Годныя вынікі паказала наша каманда і ў астатніх відах. Гэта дазволіла ААТ «АЛЕВКУРП» патрапіць у дзясятку наймацнейшых у агульным заліку і істотна палепшыць леташні вынік. 9-е месца – несумненны поспех для нашага невялікага, але вельмі дружнага і згуртаванага калектыва. Але спыняцца на дасягнутым ніхто не збіраецца. Нашы галоўныя перамогі – яшчэ наперадзе!
