15.02.2022
15 лютага – Дзень памяці воінаў-інтэрнацыяналістаў. Адна з журботных памятных дат у гісторыі нашага народа. Гэта дзень памяці ўсіх загінуўшых, выразы падзякі і глыбокай удзячнасці тым, хто сумленна і мужна выконваў свой воінскі і грамадзянскі абавязак у Афганістане і іншых краінах.У гэты дзень 33 гады таму апошні савецкі салдат перайшоў мост памежнай ракі Амудар'я пад Тэрмезам. Дарогамі Афганістана прайшло каля 30 тысяч беларусаў, 771 – не вярнуўся, больш за паўтары тысячы атрымалі раненні і калецтвы, многія засталіся інвалідамі.
Згодна з Указам Прэзідэнта Рэспублікі Беларусь ад 26 сакавіка 1998 года № 157 « Аб дзяржаўных святах, святочных днях і памятных датах у Рэспубліцы Беларусь », 15 лютага ўстаноўлены Днём памяці воінаў-інтэрнацыяналістаў. Манументы і помнікі воінам-інтэрнацыяналістам усталяваны ў многіх гарадах Беларусі.
Штогод памятныя мерапрыемствы, прысвечаныя гэтай даце, праходзяць па ўсёй рэспубліцы. У Мінску традыцыйна – на Востраве мужнасці і смутку.
Супрацоўнікі ААТ «АЛЕВКУРП» ўсклалі кветкі да помніка воінам-інтэрнацыяналістам.
