12.12.2022
Прадстаўнікі інжынерна-тэхнічнага персаналу аднаго з прадпрыемстваў Рэспублікі Куба завяршылі падрыхтоўку на базе ААТ «АЛЕВКУРП». На працягу двух месяцаў яны вывучалі асаблівасці работы і тэхнічнага абслугоўвання сучасных радыёэлектронных сродкаў, пасля чаго паспяхова здалі выніковыя залікі па пройдзеным матэрыяле.Сертыфікаты аб заканчэнні навучання кубінскім партнёрам ва ўрачыстай абстаноўцы ўручыў дырэктар ААТ «АЛЕВКУРП» Уладзіслаў Новак. У мерапрыемстве таксама прынялі ўдзел Надзвычайны і Паўнамоцны Пасол Рэспублікі Куба ў Рэспубліцы Беларусь Санц'яга Перэс Бенітэс і генеральны дырэктар ДЗГУП «Белспецзнештэхніка» Генадзь Цімашэвіч.
Члены кубінскай дэлегацыі падзякавалі кіраўніцтва ААТ «АЛЕВКУРП» за высокі ўзровень арганізацыі навучання і атрыманыя веды і практычны вопыт. Прадстаўнікі беларускага боку, у сваю чаргу, адзначылі высокую арганізаванасць і прафесіяналізм калегаў, старанне і настойлівасць, праяўленыя падчас навучальнага працэсу.
Паўнамоцны Пасол Рэспублікі Куба ў Рэспубліцы Беларусь Санц'яга Перэс Бенітэс падкрэсліў, што плённае супрацоўніцтва звязвае беларускіх і кубінскіх спецыялістаў на працягу многіх гадоў. На яго думку, гэтая праца ўносіць уклад у развіццё двухбаковых адносін паміж краінамі, а таксама з'яўляецца трывалым падмуркам для іх далейшага развіцця.
